Барселона вице-президенти Рафа Юсте Реал Мадрид президенти Флорентино Перезнинг сўнгги баёнотларига кескин муносабат билдирди. Юсте Перезнинг коррупция бўйича айбловларини «ачинарли» деб атаб, буни Мадрид клубининг сўнгги икки йилдаги муваффақиятсизликларини яширишга уриниш деб баҳолади. Бу ҳақда Goal.com хабар беради.
Перез ўз чиқишларида Реал Мадрид кўплаб совринлардан маҳрум бўлганини ва уларнинг ғалабалари «ўғирланганини» даъво қилган эди. Юсте эса бу гапларни мутлақо ёлғон ва ҳақиқатга зид деб атади. Унинг сўзларига кўра, бу каби баёнотлар Барселона жамоасининг меҳнатини каmsитишга қаратилган.
Барселона раҳбарияти Негреира иши бўйича барча тўловлар қонуний техник ҳисоботлар учун амалга оширилганини таъкидламоқда. Клуб ушбу айбловлар юзасидан ҳуқуқий чоралар кўришга тайёрлигини ва ўз манфаатларини суд орқали ҳимоя қилишини маълум қилди.
Юсте Перезнинг бу ҳаракатларини жамоатчилик эътиборини чалғитиш учун қўлланилаётган «тутун пардаси» деб атади. У Барселона мухлислари ўз жамоасининг ютуқларидан мамнун эканлигини ва ҳеч қандай асоссиз айбловлар клуб обрўсига путур етказа олмаслигини қўшимча қилди.
“Zamin”ни Telegram'да ўқинг!
