Ливерпул ҳимоячиси Энди Робертсон келаси мавсум олдидан шартномаси якунлангач, Тоттенхем сафига қўшилиш бўйича оғзаки келишувга эришди. Шотландия терма жамоаси сардори Энфилдни тўққиз йиллик муваффақиятли фаолиятдан сўнг тарк этмоқда. Роберто Де Зерби бошқарувидаги Тоттенхем Англия Премер-лигасида жон сақлаб қолганидан сўнг, тажрибали ҳимоячи фаолиятини айнан Лондон клубида давом эттиришга қарор қилди. Бу ҳақда Goal.com хабар беради.
Трансфер эксперти Fabrizio Romano берган маълумотларга кўра, Тоттенхем Робертсон учун курашда ғолиб чиққан. Январ ойида амалга ошмай қолган трансфер ниҳоят якунига етмоқда. Якшанба куни Брентфорд билан ўйиндаги хайрлашувдан сўнг, 32 ёшли футболчи шимолий Лондонга йўл оладиган бўлди. Бу трансфер Тоттенхем учун катта ғалаба ҳисобланади, чунки улар Италиянинг Ювентус клуби билан бўлган рақобатда устун келишди.
Тоттенхем мавсум якунида Роберто Де Зерби қўл остида ҳақиқий мўъжиза кўрсатиб, лигада қолишга муваффақ бўлди. Италиялик мутахассис инқирозга ботган жамоани қабул қилиб олиб, сўнгги етти ўйинда муҳим очколарни қўлга киритди. Натижада Спурс ўзининг азалий рақиби Вест Хем қуйи лигага тушиб кетган бир пайтда, элитада қолишни уддалади.
Ливерпул учун Робертсоннинг кетиши катта йўқотиш бўлди. Жамоани аллақачон Муҳаммад Салах тарк этган бўлса, дарвозабон Алиссон Беккер ҳам Ювентус қизиқишлари доирасида бўлиб турибди. Шунингдек, Ибраҳима Конате ҳам ўз келажаги борасида бир қарорга келиши кутилмоқда. Янги мураббий Арне Слот ўтган мавсумдаги чемпионликдан сўнг бешинчи ўринга тушиб кетган жамоани қайта қуриш каби қийин вазифа қаршисида турибди.
“Zamin”ни Telegram'да ўқинг!
