12:20 / 30.04.2017
5 248

Неймар Англия премьер-лигасига йўл олмоқчи

Неймар Англия премьер-лигасига йўл олмоқчи
«Барселона» ҳужумчиси Неймар фаолиятини Англия премьер-лигасида давом эттиришга қарор қилган. Бу ҳақда Daily Record'га таяниб Кун.уз хабар берди.

Манбанинг ёзишича, бразилиялик бу футболчи 2015 йил ёзида ҳам ўзини сотиб олишга уринган «Манчестер Юнайтед» сафида ўйнамоқчи.

Қайд этилишича, «Барселона» ўз етакчиларидан бирини 200 млн евро эвазига қўйиб юборишга рози бўлади. Футболчининг ўзи «қизил иблислар» жамоаси хўжайинлари испан клубининг талабини қондиришига умид қилмоқда. Унинг «Барселона»дан кетишни истаётгани сабабига аниқлик киритилмаган.

Шу билан биргаликда, «Юнайтед» устози Жозе Моуриньо Златан Ибраҳимович жиддий жароҳат туфайли сафдан чиққани туфайли Неймарни олиб келиш ғоясини қўллаб-қувватлаши кутилмоқда.

Бундан олдинроқ Неймар журналист билан суҳбат вақтида АПЛда ўйнаш истаги борлиги, Англиядаги жамоалар орасида «Манчестер Юнайтед»ни ёқтириши ҳақида айтиб ўтган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Неймар Англия премьер-лигасига йўл олмоқчи