«Манчестер Сити» АПЛда ўзининг кетма-кет 18-ғалабасига эришди. Бу сафарги қаҳрамон Раҳим Стерлинг

  • 28 декабрь 2017, 08:01
  • 3 356
  • Спорт
  • «Манчестер Сити» АПЛда ўзининг кетма-кет 18-ғалабасига эришди. Бу сафарги қаҳрамон Раҳим Стерлинг
    Англия Премьер-Лигасида етакчи бўлиб турган «Манчестер Сити» 20-турни ҳам 3 очко билан якунлади.

    Рафаэль Бенитес бошқарувидаги «Ньюкасл» майдонига ташриф буюрган «шаҳарликлар»га Раҳим Стерлинг томонидан урилган ягона гол ёрдам берди. Эндиликда Гвардиола шогирдлари энг яқин таъқибчи ҳисобланган «Манчестер Юнайтед»дан 15 очкога илгарилаб кетган.

    «Сити» битта давра доирасида барча жамоалар билан ўйнаб чиқишга улгурди. Бунда фақатгина «Эвертон» футболчилари Манчестер шаҳри жамоаси билан дуранг ўйнай олди. «Сити» қолган барча ўйинларни ўз фойдасига ҳал қилди. Ҳозирча фақатгина «Борнмут» клуби ҳар икки ўйинда ҳам таслим қилинган — 2:1, 4:0.

    «Шаҳарликлар» навбатдаги турни 31 декабрь куни «Кристал Пэлас»га қарши ўтказади. Томонларнинг биринчи давра ўйинида Гвардиола бошқарувидаги манчестерлик футболчилар 5:0 ҳисобида зафар қучганди.

    Бугун — 28 декабрь куни бўлиб ўтадиган «Кристал Пэлас» — «Арсенал» ўйини билан АПЛда 20-тур беллашувларига якун ясаб берилади.

    Англия Премьер-Лигаси

    20-тур беллашувлари

    27 декабрь, чоршанба


    «Ньюкасл» — «Манчестер Сити» 0:1
    Голлар
    : Раҳим Стерлинг, 31 (0:1).

    28 декабрь, пайшанба

    «Кристал Пэлас» — «Арсенал» 01:00


    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » «Манчестер Сити» АПЛда ўзининг кетма-кет 18-ғалабасига эришди. Бу сафарги қаҳрамон Раҳим Стерлинг