Нурсултон Рўзибоев Ўрта Осиёнинг энг кучли жангчилари билан куч синашади

  • 26-03-2018, 00:30
  • 1 261
  • Спорт
  • Нурсултон Рўзибоев Ўрта Осиёнинг энг кучли жангчилари билан куч синашади
    Аралаш яккакураш жанг санъатлари устаси Нурсултон Рўзибоев ўзининг навбатдаги жангини жорий йилнинг 14 апрел куни Қозоғистоннинг Чимкент шаҳрида ўтказади.

    “ALASH PRIDE” Гран-при турнирида Қозоғистон, Қирғизистон, Ўзбекистон ва Тожикистондан 77 кг вазн тоифасида энг кучли спортчилар махсус чемпионлик камари учун кураш олиб боришади.

    Биринчи жанглар апрел ойида ўтказилса, 12 май ойида финал жанглари бўлиб ўтади.

    Ҳозирча Нурсултоннинг рақиби аниқ эмас. Бироқ номзодлар орасида “APFC” версияси бўйича жаҳон чемпиони Махир “Пўлат оёқ” Мамедов, Қозоғистоннинг энг кучли жангчиларидан бири Артем Резников ва комплекс яккакурашларда 3 карра Россия чемпионати ғолиби, жанговар самбо бўйича Россия кубоги-2010 ғолиби енгилмас тожикистонлик Артур Одилбоевдан бири унга рақиблик қилиши кутилмоқда.

    Эслатиб ўтамиз, Нурсултон Рўзибоев айни дамда бўлажак жангга тайёргарликни Таиландда ўтказмоқда.

    » » Нурсултон Рўзибоев Ўрта Осиёнинг энг кучли жангчилари билан куч синашади