Неймар: "Ҳуштак ва карточканг бор дегани, бу қолганлардан устунсан дегани эмас!"

«ПСЖ» клуби ҳужумчиси Неймар ЕЧЛ 4-тури доирасида «Наполи»га қарши кечган ўйин (1:1) бош ҳаками Бьорн Куйперсни танқид остига олди.

«Бугун кўплаб хатолар бўлди, аммо мени ҳаммасидан кўп ҳакамнинг муомаласи жаҳлимни чиқарди. Мен унинг гапларидан ҳурматсизликни ҳис қилдим, шу сабаб ўзимни назорат қила олмадим.

Ҳакам қолганлардек одам, у ҳам адашиши мумкин, бу мени хавотирга солмайди. Аммо Куйперс футболчиларга ҳурмат билан муносабатда бўлиши керак. Ҳуштак ва карточкаларинг бор дегани бу қолганлардан устунсан дегани эмас», – дейди Неймар.