Александр Поветкиннинг навбатдаги рақиби ва жанг санаси маълум бўлди

^{Фото: Yandex Photos}
Россиялик боксчи Александр Поветкин (35-2-1, 24 КО) супероғир вазнда WBC вақтинчалик чемпиони Диллиан Уайтга (27-1, 18 КО) қарши жанг қилади.

Мазкур тўқнашув 2020 йилнинг 2 май куни Манчестер шаҳрида бўлиб ўтади. Боксчилар иштирокидаги матбуот анжумани эса 4 март санасига белгиланган. Бу ҳақда Поветкин ҳамкорлик қиладиган «Мир Бокса» промоутерлик компанияси раҳбари Андрей Рябинский маълум қилди.
Эслатиб ўтамиз, 2019 йилнинг декабрида Поветкин Майкл Ҳантер билан жанг қилган ва беллашув дуранг билан якун топганди.

Маълумот учун, Поветкин ҳаваскор бокс бўйича икки карра Европа чемпиони, шунингдек, Жаҳон чемпионати ва Олимпиада олтин медаллари соҳиби ҳисобланади. Профессионал боксда эса 35 жанг ўтказиб, уларнинг 24 тасини нокаут билан якунлаган.
WBC рейтинги етакчиси Уайт эса проф боксда 27 та жангда қатнашган ва фаолиятидаги ягона мағлубиятни Энтони Жошуадан қабул қилиб олган. “Замин” янгиликларини “Telegram”да кузатиб боринг