20:53 / 17.08.2021
4 990

Ўзбекистонда яна бир спортчилар оиласи пайдо бўлади

Ўзбекистонда яна бир спортчилар оиласи пайдо бўлади
Фото: Instagram / Сабина Тошкенбоева
Бадиий гимнастикачи Сабина Тошкенбоева таэквондочи Ниёз Пўлатов билан турмуш қурмоқда. Бу ҳақда жуфтлик ижтимоий тармоқлардаги саҳифаларида маълум қилди.

2 сентябрь куни Пўлатов ва Тошкенбоева жуфтлигининг никоҳ оқшоми бўлиб ўтади.

20 ёшли Тошкенбоева бадиий гимнастика бўйича кўп карра Осиё чемпиони, Жакарта—2018 Осиё ўйинлари ва Боку—2017 Ислом бирдамлик ўйинлари совриндори ҳисобланади.

Сабина 2021 йилда Токио Олимпиадасига йўлланма олди. Бироқ Олимпия ўйинларидаги чиқишига бир неча кун қолганда спортчида коронавирус аниқланди ва унинг ўрнини Екатерина Фетисова эгаллади.

22 ёшли Пўлатов таэквондо спорт тури бўйича Жакартадаги Осиё ўйинларида кумуш медали, Баку—2017 Ислом бирдамлиги ўйинларида эса олтин медалга эга чиққан. У шунингдек, 2018 йилги Осиё чемпионатида бронза медалини қўлга киритган.

Скрин: Instagram / Сабина Тошкенбоева

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Ўзбекистонда яна бир спортчилар оиласи пайдо бўлади