Google компанияси ўз фойдаланувчиларига Google Assistant хизматидан воз кечиш ҳақида расмий хат юборди, деб Rozetked хабар берди. Энди барча асосий тизим функциялари Gemini томонидан амалга оширилади — ҳатто оффлайнда ҳам.
Google Assistant'дан Gemini'га ўтиш жараёни якунланмоқда. Фойдаланувчилар 7 июлдан бошлаб Gemini орқали контактларга қўнғироқ қилиш, будильник ўрнатиш каби стандарт функцияларни бажара олишади. Энг муҳими — бу вазифаларни бажариш учун “Gemini фаоллиги”ни ёқиш шарт эмас.
Аввал бу функция ўчирилса, Gemini тизим иловалари билан ўзаро алоқа қила олмасди. Энди эса фойдаланувчи шахсий маълумотларини Google'га юбормасдан ҳам асосий функциялардан фойдалана олади. Бу эса Google Assistant’ни амалиётда фойдасиз қилиб қўяди — чунки унинг барча имкониятлари Gemini'да мавжуд бўлади.
Шу билан бирга, Google Assistant ҳозирча фаоллигини сақлаб қолади. Уни одатдагидек ишлатиш мумкин. Лекин компания маълум қилишича, 2025 йил охирига келиб, Google Assistant тўлиқ ёпилади.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
