Grok нейроинтерфейс платформасидаги иккинчи аниме-компаньон Валентин деб номланди, деб uz.kursiv.media хабар берди. Бу ҳақда X ижтимоий тармоғида Илон Маск шахсан маълум қилди.
Бир кун олдин Маск аниме услубида чизилган йигит суратини эълон қилиб, фойдаланувчилардан унга ном таклиф қилишларини сўраган эди. Юзлаб таклифлар ичида Маск танловини "Валентин" номида тўхтатди.
Бу персонаж номи фантаст ёзувчи Роберт Хайнлайннинг “Чўлдаги бегона” романидаги бош қаҳрамонга ишора сифатида танланган. Айнан шу асарда биринчи марта “Grok” (тушуниш, ҳис қилиш, қабул қилиш) атамаси ишлатилган. Китоб 1961 йилда чоп этилгандан сўнг бу сўз Америкадаги хиппилар орасида кенг тарқалган.
X тармоғидаги фойдаланувчилар компаньон учун юзлаб турли номларни таклиф қилишди. Ҳатто улардан бири ҳазиллашиб, “бот одамларга ёқмайдиган номни ўзи танласин” деган. Grok эса жавобан “Адольф” номини таклиф қилиб, бу сўз “олийжаноб бўри” деган маънони англатишини эслатди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
