Ота-оналик расман рақамли даврга қадам қўйганга ўхшайди. Peopletalk’нинг ёзишича, тобора кўпроқ ота-оналар масъулиятни ChatGPT’га юкламоқда. Сунъий интеллект болаларнинг жазаваларига қандай муносабатда бўлиш, иситма пайтида нима қилиш, қачон қўшимча овқат бериш кераклиги ҳақида маслаҳат беради ва ҳатто ухлашдан олдин болаларга эртаклар айтиб беради ёки ота-оналар банд бўлганда мулоқот билан кўнгил очади.
Жуда қулай эшитилади, лекин мутахассислар хавотирда. Тадқиқот шуни кўрсатадики, кўплаб ота-оналар ҳақиқий шифокорларга қараганда нейрон тармоқларга кўпроқ ишонишади ва бу хавфли бўлиши мумкин. ChatGPT баъзан нотўғри ёки ўйлаб топилган жавобларни беради, шунингдек, нотўғри эътиқодларга қўшилишга моил.
Шифокорлар огоҳлантирадилар: тарбияга бундай ёндашув олдиндан айтиб бўлмайдиган оқибатларга олиб келиши мумкин. "Бу кучли восита, аммо танқидий фикрлашнинг ўрнини боса олмайди," - дейди Bluebird Kids Health бош директори Майкл Глейзер. У бошланғич нуқта сифатида сунъий интеллектдан фойдаланишни ва ҳар қандай ҳолатда ҳам мутахассисларга мурожаат қилишни маслаҳат беради.
Алоҳида хавф зонаси - махфийлик. Мутахассисларнинг эслатишича, чатботга боланинг шахсий ва тиббий маълумотларини киритмаслик керак, чунки маълумотлар бегона қўлларга тушиб қолиши мумкин.
Мутахассисларнинг умумий хулосаси оддий: фойдаланиш мумкин, лекин эҳтиёткорлик билан. Сунъий интеллект ёрдамчи бўлиши мумкин, лекин энага ёки оилавий психолог ўрнини боса олмайди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
