OpenAI компанияси педагоглар учун махсус ишлаб чиқилган ChatGPT for Teachers сервисини тақдим этди. Яратувчиларнинг таъкидлашича, ушбу тўплам ўқитувчиларга дарс материалларини тез ва қулай тайёрлаш, шунингдек, ўқувчиларга тегишли маълумотлар билан хавфсиз ишлаш имконини беради.
Компания маълумотига кўра, ChatGPT for Teachers’дан 2027 йил июнигача мутлақо бепул фойдаланиш мумкин. Ундан кейин сервис пуллига айланадими-йўқми — ҳозирча аниқ маълумот берилмаган.
Янги платформа, аввало, мактаб ўқитувчилари учун мўлжалланган, олий таълим муассасалари учун эса алоҳида — ChatGPT Edu версияси ишлаб чиқилган.
Шу билан бирга, мутахассислар ортиқча ишонч сунъий интеллектга бўлган боғлиқликни кучайтириши мумкинлигидан огоҳлантиради. Айрим илмий ишларга кўра, AI’дан кўп фойдаланиш инсоннинг танқидий ва таҳлилий фикрлаш қобилияти пасайишига ҳам олиб келиши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
