Машҳур сун'ий интеллект ишлаб чиқарувчиси Антҳропиc компанияси АҚШ Мудофаа вазирлигини судга берди. Бунга вазирликнинг компанияни таъминот занжири учун хавфли деб эълон қилгани сабаб бўлди. Антҳропиc раҳбарияти ушбу қарорни ноқонуний ва мисли кўрилмаган босим деб атамоқда. Бу ҳақда techcrunch.com хабар беради.
Можаро томонларнинг ҳарбий мақсадларда сун'ий интеллект'дан фойдаланиш бўйича қарашлари турлича эканлиги туфайли келиб чиқди. Антҳропиc ўз технологияларидан аҳолини оммавий кузатиш ёки инсон назоратисиз ишлайдиган автоном қуролларни бошқаришда фойдаланишга қатъиян қарши чиқиб келган. Мудофаа вазири Пит Хегсет эса Пентагон сун'ий интеллект тизимларидан ҳар қандай қонуний мақсадда чекловларсиз фойдаланиши кераклигини таъкидлаган.
Ҳукуматнинг таъминот занжири учун хавфли деган ёрлиғи компания учун жиддий оқибатларга олиб келди. Натижада Антҳропиc'нинг федерал ҳукумат билан бўлган барча шартномалари бекор қилинди. Компания вакилларининг сўзларига кўра, ҳукумат ўз қарашларига мос келмайдиган компанияни жазолаш учун давлат кучидан фойдаланмоқда ва бу конституцияга зид ҳаракатдир.
Судга тақдим этилган даъво аризасида айтилишича, Мудофаа вазирлиги ушбу қарорни қабул қилишда қонуний тартиб-қоидаларга амал қилмаган. Хусусан, хавфларни баҳолаш жараёни ўтказилмаган ва компанияга ўзини ҳимоя қилиш учун имконият берилмаган. Ҳозирда Антҳропиc ўзининг иқтисодий манфаатларини ва сун'ий интеллект хавфсизлиги борасидаги позициясини ҳимоя қилиш учун суд орқали адолат изламоқда.
“Zamin”ни Telegram'да ўқинг!
