Microsoft Windows 11 учун тўлиқ маҳаллий иловаларни яратмоқчи эканини айтди ва бу йўналишга бошчилик қиладиган янги жамоани тузмоқда. Компания ҳозирча қайси маҳсулотлар қайта яратилиши ёки биринчи бўлиб ишга туширилишини тушунтиргани йўқ, бироқ расмийлар келажакдаги камида айрим иловалар вебга асосланган компонентлардан воз кечишини айтмоқда. Бу ҳақда Habr.com хабар беради.
Режа Microsoft вакили Rudy Huyn томонидан таъкидланди, у Windows 11 учун янги дастурлар 100 фоиз маҳаллий бўлишини айтди. Амалда бу иловалар WебВиеw'га қисман таяниш ўрнига WinUI каби Windows технологияларининг ўзида тўлиқ яратилишини англатади, WebView эса интерфейс элементларини веб-компонентлар орқали юклайди.
Бу эълон Microsoft Windows 11 учун янада кенгроқ яхшиланишларни ҳам тайёрлаётган бир пайтда янгради. Аввалроқ компания унумдорлик муаммоларини бартараф этиш, контекст менюсини тезлаштириш, File Explorer юкланиш вақтини қисқартириш, Start менюсини WинУИ'га кўчириш ва таскбар ўрнини ўзгартириш имконини қўшишга қаратилган йирик янгиланишни тақдим этганди.
Бу ўзгариш Microsoft дастурий стратегиясидаги кенгроқ бурилишни англатиши мумкин. Windows 11'даги ҳозирги кўплаб иловалар, жумладан Clipchamp, ҳануз вебга асосланган, Copilot ва Microsoft 365 Copilot каби асосий маҳсулотлар ҳам веб технологияларига кучли даражада таянади. Microsoft энди мавжуд иловаларни модернизация қиладими ёки фақат янги маҳаллий релизларга эътибор қаратадими, ҳозирча аниқ эмас.
“Zamin”ни Telegram'да ўқинг!
