Apple компаниясининг янги Маc mini компютерлари бозорларда катта қизиқиш уйғотмоқда. Ушбу ихчам қурилмаларга бўлган талабнинг кескин ортиши натижасида расмий дўконларда маҳсулот тақчиллиги юзага келди. Вазиятдан фойдаланган олпсатарлар eBay каби онлайн савдо майдончаларида компютерларни бир неча баробар қиммат нархларда сотувга қўймоқда. Бу ҳақда Techcrunch.com хабар беради.
Экспертларнинг таъкидлашича, Маc mini қурилмаларига бўлган бундай юқори қизиқишнинг асосий сабаби сунъий интеллект технологияларининг ривожланиши билан боғлиқ. Фойдаланувчилар ушбу ихчам ва кучли қурилмалардан маҳаллий сунъий интеллект моделлари ҳамда турли рақамли воситаларни ишга тушириш учун фойдаланмоқда. Бу эса бозорда таклифдан кўра талабнинг юқори бўлишига олиб келди.
Ҳозирда eBay платформасида Маc mini учун белгиланган нархлар расмий чакана нархлардан сезиларли даражада фарқ қилмоқда. Apple компанияси ишлаб чиқариш ҳажмини ошириш чораларини кўраётган бўлса-да, етказиб бериш занжиридаги узилишлар ва юқори талаб сабабли тақчиллик яна бир муддат давом этиши кутилмоқда. Технология ихлосмандлари эса қурилмани қўлга киритиш учун қўшимча маблағ сарфлашга мажбур бўлишмоқда.
“Zamin”ни Telegram'да ўқинг!
