Туркия ва Россия Аккую AES лойиҳасини молиялаштиришни якунлади

Туркия энергетика ва табиий ресурслар вазири Алпарслан Байрактар мамлакатнинг биринчи атом электр станцияси бўлмиш "Аккую" қурилишида Россия билан ҳамкорликда ҳеч қандай муаммо йўқлигини маълум қилди. Лойиҳа режа асосида амалга оширилмоқда ва дастлабки икки энергоблокни қуриш учун зарур бўлган молиявий маблағлар тўлиқ таъминланган. Бу ҳақда Ixbt.com хабар беради.

Ҳозирда станциянинг биринчи энергоблокини синов режимида ишга тушириш 2026 йилнинг сентябрь ёки октябрь ойларига режалаштирилган. Россиянинг "Росатом" корпорацияси томонидан барпо этилаётган ушбу объект ҳар бири 1200 МВт қувватга эга бўлган тўртта замонавий энергоблокни ўз ичига олади.

Шунингдек, Туркия ҳукумати Синоп провинциясида иккинчи AES қуриш масаласини ҳам кўриб чиқмоқда. Ушбу лойиҳада Россия иштирок этишга қизиқиш билдирган бўлса-да, Анқара Хитой, Жанубий Корея ва Канада каби давлатларнинг таклифларини ҳам ўрганмоқда.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг