Inllie компанияси ўзининг янги Луна Cоре Браcелет ва Сенсе Cоре Банд тақиладиган қурилмаларини намойиш этди. Ушбу гаджетлар ўзида нафис заргарлик дизайни ҳамда замонавий фитнес-трекер функцияларини мужассам этган. Ишлаб чиқарувчи уларни спорт услубидаги одатий қурилмалардан фарқли ўлароқ, кундалик ҳаётда тақиб юриладиган эстетик аксессуарлар сифатида тақдим этмоқда. Бу ҳақда Ixbt.com хабар беради.
Луна Cоре модели заргарлик буюми услубида ишланган бўлиб, у пўлат билагузук, рух қотишмаси ва эпоксид қатронидан тайёрланган корпусга эга. Олтин ва кумуш рангли деталлар билан бойитилган ушбу моделнинг оғирлиги атиги 11,6 граммни ташкил қилади. Сенсе Cоре эса янада ихчамроқ бўлиб, 5,6 мм кенгликдаги корпусга эга ва Миланеце металл тўридан тортиб силиконгача бўлган турли хил тасмалар билан таклиф этилади.
Техник имкониятларига кўра, ҳар иккала қурилма ҳам юрак уриш тезлиги, қондаги кислород даражаси, стресс кўрсаткичлари, уйқу сифати ҳамда жисмоний фаолликни кузатиб боради. Сенсе Cоре моделида вақт, пульс ва қувват даражасини кўрсатиб турувчи кичик дисплей ҳам мавжуд. Қурилмалар 5–7 кун давомида фаол ишлашга қодир, кутиш режимида эса Луна Cоре 12 кунгача, Сенсе Cоре эса 10 кунгача қувват сақлайди.
Янги ақлли билагузукларнинг нархи мос равишда 149 ва 109 долларни ташкил этади. Шунингдек, компания иккала моделни биргаликда харид қилган мижозлар учун 79 долларлик чегирма тақдим этувчи махсус тўпламни ҳам сотувга чиқарди.
“Zamin”ни Telegram'да ўқинг!
