Компаниялар лойиҳалар учун маслаҳат ёки фикр излаганда одатда LinkedIn ёки ГЛГ, Тҳирд Бридге ва АлпҳаСигҳтс каби анъанавий эксперт тармоқларига мурожаат қилишади. Бироқ, кўпинча бу платформалар мутахассисларни фақат лавозимига қараб саралаши сабабли сифатли натижаларни тақдим эта олмайди. Лондонлик стартап Этҳос сунъий интеллект ёрдамида ушбу жараённи тубдан ўзгартиришни мақсад қилган. Бу ҳақда Techcrunch.com хабар беради.
Этҳос экспертлар учун овозли тизим орқали рўйхатдан ўтиш имкониятини тақдим этади. Бу жараён мутахассисларнинг иш унвонларида кўрсатилмаган чуқур билим ва тажрибаларини аниқлашга ёрдам беради. Компаниялар эса табиий тилдаги сўровлар орқали ўз лойиҳалари учун энг мос номзодларни топишлари мумкин. Масалан, платформа “молия автоматизацияси билан шуғулланувчи ва нуфузли инвесторлар томонидан молиялаштирилган стартапларда ишлаган мутахассисларни топиш” каби мураккаб сўровларга аниқ жавоб бера олади.
Яқинда Этҳос a16z бошчилигидаги Сериес А инвестиция босқичида 22,75 миллион доллар маблағ жалб қилди. Ушбу босқичда Генерал Каталйст, ХТХ Маркетс, Эвантиc Капитал ва Коммон Магиc каби компаниялар ҳам иштирок этди. a16z вакили Аниш Ачаря анъанавий платформалар фақат юзаки маълумотларни тақдим этишини, Этҳос эса овозли интервюлар орқали мутахассисларнинг ҳақиқий салоҳиятини очиб беришини таъкидлади.
Стартап 2024-йилда Жамес Ло ва Даниел Манковитз томонидан асос солинган. Ло илгари МcКинсей ва СофтБанк компанияларида ишлаган бўлса, Манковитз DeepMind'да сунъий интеллект бўйича тадқиқотчи сифатида фаолият юритган ва Gemini ҳамда АлпҳаДев лойиҳаларида иштирок этган. Таъсисчиларнинг мақсади — инсонлар, компаниялар ва маҳсулотлар ўртасидаги билимлар графигини тўғри алгоритмлар ёрдамида боғлашдир.
“Zamin”ни Telegram'да ўқинг!
