Бизнес суғуртаси билан шуғулланувчи Корги стартапи чоршанба куни ТКВ бошчилигидаги инвестиция раундида 160 миллион доллар маблағ жалб қилганини эълон қилди. Ушбу молиялаштириш натижасида компаниянинг умумий қиймати 1,3 миллиард долларга етди. Бу ҳақда стартап асосчиларидан бири Нико Лақуа LinkedIn саҳифасида маълум қилди. Бу ҳақда Techcrunch.com хабар беради.
Мазкур ютуқ компания 108 миллион долларлик Сериес А раундини якунлаганидан атиги тўрт ой ўтиб қайд этилди. Шу тариқа, Корги ўз фаолияти давомида жами 268 миллион доллар сармоя тўплади ва Й Комбинатор акселераторининг навбатдаги «яккашох» (уникорн) компаниясига айланди.
2024-йилда Нико Лақуа ва Эмили Юан томонидан асос солинган стартап Й Комбинаторнинг 2024-йил баҳорги дастури иштирокчиси бўлган. Корги мижозлари қаторида Деэл ва Артисан каби йирик компаниялар бор. Стартап умумий жавобгарлик, киберхавфсизлик ҳамда технология ва AI билан боғлиқ суғурта хизматларини тақдим этади.
Ушбу инвестиция раундида Киндред Вентурес, Леблон Капитал ва Фирст Ордер Фунд каби инвесторлар ҳам иштирок этди. Ҳозирча Корги компанияси мазкур молиявий янгилик юзасидан қўшимча изоҳ бериш сўровига жавоб қайтармади.
“Zamin”ни Telegram'да ўқинг!
