Hisense компанияси Хитой бозорида WD100E3Қ2+ВВ50Г-1 русумли гибрид кир ювиш ва қуритиш тизимини тақдим этди. Ушбу қурилма кийимларга ишлов бериш учун мўлжалланган тўртта алоҳида ҳудудга эга бўлган ноодатий конструкцияси билан ажралиб туради. Бу ҳақда Ixbt.com хабар беради.
Янги моделнинг умумий юклама сиғими 15 кг ни ташкил этади. Тизим классик кир ювиш ва қуритиш функцияларини нозик матолар ҳамда пойабзаллар учун мўлжалланган махсус мини-бўлинмалар билан бирлаштиради. Қурилманинг юқори қисмида ҳар бири 1 кг гача юклама оладиган иккита ихчам секциялар жойлашган бўлиб, улар пайпоқ ёки ички кийимлар каби нозик буюмлар учун мўлжалланган.
Уларнинг пастки қисмида пойабзалларни парвариш қилиш ва юmsҳоқ режимда ювиш учун мўлжалланган алоҳида 3 кг ли бўлинма ўрин олган. Асосий пастки блок эса 10 кг гача кир ювиш ва 7 кг гача қуритиш имкониятига эга бўлган классик кир ювиш машинасидан иборат.
Бундай тузилма турли тоифадаги кийимларни бир вақтнинг ўзида сараланган ҳолда ювиш имконини беради ва жараённи сезиларли даражада тезлаштиради. Мазкур қурилма уй шароитида кенгайтирилган имкониятларга эга ўзига хос "мини-кирхона" вазифасини ўтайди. Эслатиб ўтамиз, йил бошида Hisense учта барабанли моделни ҳам намойиш этган эди.
“Zamin”ни Telegram'да ўқинг!
