Elon Musk SpaceXAI учун ҳатто сунъий интеллектда тажрибаси йўқларни ҳам ишга чақирмоқда

Миллиардер Elon Musk ўзининг SpaceXAI лойиҳаси учун муҳандис ва физиклар қабул қилинишини эълон қилди. Унинг сўзларига кўра, компания "жаҳон даражасидаги мутахассисларни" қидирмоқда, бунда сунъий интеллект (AI) соҳасида тажрибанинг йўқлиги ишга жойлашиш учун тўсиқ бўлмайди. Бу ҳақда Ixbt.com хабар беради.

Мускнинг таъкидлашича, ақлли мутахассислар янги соҳаларни тезда ўзлаштириб олишади. Шу сабабли, асосий мезон — фавқулодда қобилиятлар ва кучли муҳандислик базасининг мавжудлигидир. "Ақлли одамлар ҳамма нарсани тезда тушуниб олишади", — дея қўшимча қилди у.

Номзодлар ўзларининг истисно даражадаги қобилиятларини намойиш этувчи тахминан учта банддан иборат маълумотни аи_енг@spacex.com электрон манзилига юборишлари лозим. Elon Musk дастлабки текширувдан ўтган сараланган хатларни шахсан ўзи ўқиб чиқишини маълум қилди.

Аввалроқ Elon Musk xAI ва SpaceX компаниялари тўлиқ бирлашишини эълон қилган эди. xAI алоҳида тузилма сифатида фаолиятини тўхтатади ва SpaceX таркибидаги SpaceXAI деб номланган янги бўлинмага айланади.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг