Xiaomi компанияси Хитойда юқори унумдорликка ва кенгайтирилган фильтрлаш тизимига эга Mijia Air Пурифиер 6 Max ҳаво тозалагичини сотувга чиқарди. Янги қурилма 385 доллар нархида таклиф этилмоқда. Қурилма икки моторли архитектура ва уч томонлама ҳаво сўриш конструкцияси билан жиҳозланган бўлиб, унинг КАДР кўрсаткичи дақиқасига 25 000 литрни ташкил этади. Бу ҳақда Ixbt.com хабар беради.
Компания ҳисоб-китобларига кўра, ушбу қувват 25 квадрат метр майдонга эга хонани тахминан 3 дақиқа ичида тозалаш учун етарли ҳисобланади. Қурилма икки турдаги фильтр билан таъминланган: биринчиси қурилиш ишларидан кейинги ифлосланишларни, жумладан формальдегид ва учувчи бирикмаларни йўқотиш учун мўлжалланган бўлса, иккинчиси 46 турдаги кундалик маиший ифлослантирувчи моддаларга қарши курашади.
Mijia Air Пурифиер 6 Max антибактериал тозалаш, ҳидларни йўқотиш ҳамда чанг ва уй ҳайвонларининг юнги каби майда зарраларни фильтрлаш функцияларини ўз ичига олади. Шунингдек, у ультрабинафша дезинфекция тизими билан жиҳозланган бўлиб, у қатор бактерия ва вирусларга қарши 99,9% гача самарадорликни кафолатлайди.
Алоҳида таъкидланишича, қурилма аллергенларга, жумладан гул чанги ва чанг каналаларига қарши 99,3% гача самарадорлик кўрсатади. Қурилма реал вақт режимида ҳаво сифатининг тўққизта параметрини кузатиб боради ва мобил илова билан синхронлашади, бу эса фойдаланувчига ифлосланиш даражасини доимий назорат қилиш имконини беради.
“Zamin”ни Telegram'да ўқинг!
