DeepSeek компанияси ўзининг В4 Pro модели учун API нархларини сезиларли даражада пасайтирди. Эндиликда 1 миллион кешлаштирилган кириш токенлари учун нарх бор-йўғи 0,0036 АҚШ долларини, чиқиш токенлари учун эса 0,87 долларни ташкил этмоқда. Бу кўрсаткич сунъий интеллект бозоридаги энг паст нархлардан бири ҳисобланади. Бу ҳақда Ixbt.com хабар беради.
СКMP нашрининг хабар беришича, Артифисиал Аналйсис Intelligence Индех унумдорлик тестларини ўтказиш учун ушбу моделга 268 доллар талаб этилади. Таққослаш учун, OpenAI ва Anthropic компанияларининг энг сўнгги флагман моделлари — GPT-5.5 ва Claude Опус 4.7 худди шу вазифани бажариш учун мос равишда 12 ва 19 баравар қимматга тушади.
Артифисиал Аналйсис — бу сунъий интеллект моделларини мустақил равишда бенчмарк қилувчи ва қиёсий таҳлил ўтказувчи фирма бўлиб, у моделларнинг тезлиги, сифати ва ҳар бир доллар эвазига тақдим этиладиган интеллект даражасини баҳолайди. Бундай мустақил тестлар моделларни стандартлаштирилган усуллар орқали холис солиштириш имконини беради.
Қизиқарли жиҳати шундаки, Артифисиал Аналйсис рейтингидаги "долларга нисбатан интеллект" кўрсаткичи бўйича етакчи моделларнинг аксарияти Хитойда ишлаб чиқилган. Улар орасида MiniMax М2.7 ва Xiaomi МиМо В2.5 Pro каби моделлар ҳам бор. DeepSeek стартапи ўзининг флагман модели нархини аввалроқ 75 фоизга арзонлаштирган эди.
“Zamin”ни Telegram'да ўқинг!
