Фото: Pinterest
Оғир иш куни, узоқ юриш ва жисмоний зўриқишлардан сўнг оёқлар сезиларли даражада чарчайди ва оғрий бошлайди. Кўпинча оёқлардаги оғриқ ва ноқулайлик ухлаб қолишга тўсқинлик қилади. Буларнинг барчасига чидаш нафақат фойдасиз, балки зарарли ҳамдир, деб ёзади «Новий очаг».
Варикоз томирлари чиқишининг сабаблари
Ҳеч ким бу касалликка қарши иммунитетга эга эмас. Кун бўйи тик оёқда ишлаш, машина ҳайдаш, компьютердан фойдаланиш ва оғир жисмоний меҳнат қилиш ушбу касаллик хавфини туғдиради. Аёлларда варикоз томирлари кўпинча ҳомиладорлик ва туғиш пайтида стресс туфайли ривожланади. Шунингдек, қўзғатувчи омилларга ортиқча вазн, гормонал номутаносиблик, шу жумладан балоғат ёши, менопауза даврлари, гормонал дориларни қабул қилиш, иссиқ жойда ишлаш, ҳаммом ва сауналарга ташриф буюриш киради.
Варикоз томири чиқишига генетик мойиллиги ва таянч-ҳаракат тизимининг турли хил деформацияси бўлганлар киради: ясси оёқлар, умуртқа поғонаси эгрилиги каби. Кўпинча варикоз томирлари ва геморрой бир вақтнинг ўзида ривожланади ёки бир касаллик иккинчисининг келиб чиқишига сабаб бўлади.
Нима учун оёқлар варикоз томирлари чиққанда оғрийди?
Инсон тик ҳолатда ҳаракатланадиган мавжудотдир. Шунинг учун тик турган ҳолатда ҳаракатланишига ёрдам берадиган механизм мавжуд. Оёқ мушаклари қисқарганда, улар томирларни сиқиб чиқаради, қон кўтарилади. Вена клапанлари қоннинг орқага оқишининг олдини олади. Агар турли сабабларга кўра, клапанлар ўз вазифаларини керакли даражада бажаришни тўхтаца, қон турғунлаша бошлайди. Қон босими остида томирлар чўзилиб кетади, томирларнинг деворлари эластиклигини йўқотади. Шу билан бирга, веноз деворлари яллиғланади, қон турғунлашади, бу яллиғланиш жараёнини янада кучайтиради.
Варикоз томирларининг ноқулайлиги ва оғриғини қандай камайтириш мумкин?
Бунинг учун томирлар деворларига қон босимини камайтириш, томирларнинг эластиклигини тиклашга ҳаракат қилиш ва уларнинг ишини рағбатлантириш керак. Шуни эсда тутиш керакки, айрим усуллар оғриқни енгиллаштиради, аммо варикоз томирларининг сабабини бартараф этмайди. Даволаш учун флеболог ёки юрак-қон томир жарроҳига мурожаат қилиш керак. Оғриқни йўқотиш усуллари варикоз томирларининг олдини олиш учун ҳам қўлланилиши мумкин:
Оёқларни юқорироқ қўйиш. Бунинг учун оёқлари остига ёстиқ қўйиш мумкин. Етарлича қулай бўлиш ва тиззалар остидаги томирларга кўп босим ўтказмаслик муҳимдир.
Совуқ ва иссиқ душ. Ўртача иссиқ ва совуқ сувнинг алмашинуви қон айланишини рағбатлантиради ва қон томирларининг деворларини мустаҳкамлайди. Ҳароратни аста-секин тушириш тавсия этилади.
Оёқларни совуқ сув билан ювиш. Контрастли душ ёки совуқ сув билан ювиш орқали ҳам оғриқдан халос бўлиш мумкин. Совуқ душ остида 2-3 дақиқа бўлиш оғриқни бир муддат енгиллаштиришга ёрдам беради.
Massaж. Massaж билан эҳтиёт бўлиш керак, чунки варикоз томирлари учун ўта юмшоқ массаж буюрилади. Ҳаракатлар силлиқ, енгил бўлиши керак. Бўртиб чиққан томирлар мавжуд бўлган жойларни массаж қилиш тақиқланади. Massaжни фақат мойил ҳолатда иш кунидан кейин дам олгандан кейин бошлаш мумкин. Агар эрталаб массаж қилишни истасангиз, унда биринчи навбатда оёқлар учун гимнастика қилиш керак. Шу орқали томирлардаги қон босимини пасайтириш мумкин. Тахминан 10 дақиқа дам олишиз керак. Шундан кейингина массажни бошлаш мумкин. Massaж қилиш 7 дақиқадан ошмаслиги керак. Сўнгра яна горизонтал ҳолатда қолиш ва оёқларини кўтариб, 5-10 дақиқа давомида ётишкерак.
Юриш. Кўпинча оғриқ одамнинг узоқ вақт давомида тик турган ёки ўтирганлиги сабабли пайдо бўлади. Бундай ҳолда бироз юриш керак. Оёқлар жуда оғриган бўлса ҳам. Юриш пайтида мушак-веноз ишлайди ва томирлар турғун қондан чиқарилади.
Сузиш. Сув аэробикаси ёки тинч сузиш мушак-венознинг ишини мукаммал даражада рағбатлантиради, бундан ташқари, сув оёқларни бўшаштиради ва совитади.
Велосипедда юриш. Велосипед ҳайдаш пайтида оёқларнинг ҳаракати варикоз томирлари учун керак бўлган нарсадир. Аммо зўриқиш ўртача бўлиши керак.
Гимнастика. Эрталаб ва кечқурун оёқлар учун машқларни бажариш тавсия этилади: оёқларни айлана шаклида айлантириш, оёқ бармоқларининг эгиш ва кенгайтириш каби. Ушбу усуллар оғриқни бутунлай қолдирмаса-да, бироз енгиллик беради. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Ғазода 2023 йил октябрь ойидан буён 17 мингдан ортиқ бола ҳалок бўлган...
