Кариес ва вазн орттириш: Ҳақиқат ёки афсона?

Кариес нафақат оғриқ ва ноқулайлик туғдиради, балки овқатланиш одатларига ҳам таъсир қилиши мумкин. Баъзи тадқиқотлар тиш муаммолари ҳазм қилиш жараёнига таъсир қилиб, вазн ортишига сабаб бўлиши мумкинлигини кўрсатади.

Тиш саломатлиги ва вазн муаммоси

Кўпчилик инсонлар вазн йўқотишга ҳаракат қилаётганда турли диеталар ва жисмоний машқларни синаб кўради. Бироқ кутилган натижага эриша олмаган айримлар бунга ички омиллар, жумладан, тиш муаммолари сабаб бўлиши мумкинлигини билмайди.

Стоматологик фикр

Стоматолог Олеся Коганованинг таъкидлашича, кариеснинг метаболизм ва озиш жараёнига таъсири бир неча омиллар билан изоҳланади:

1. Овқатланиш камайиши – Кариес ва бошқа тиш оғриқлари туфайли инсон камроқ овқат ейишга ҳаракат қилади. Бу метаболизмнинг секинлашишига ва организмнинг захира йиғиб қолишига сабаб бўлади.

2. Тўйинганлик ҳиссининг бузилиши – Тиш оғриғи бор инсонлар кўпинча овқатни яхши чайнашга қийналади, бу эса тўйинганлик ҳиссининг кечроқ пайдо бўлишига ва меъёридан кўпроқ овқат истеъмол қилинишига олиб келади.

3. Ҳазм жараёнига таъсир – Овқат яхши чайналмаган ҳолда ошқозонга тушса, уни ҳазм қилиш қийинлашади ва организмда модда алмашинуви муаммолари юзага келиши мумкин.

Кариесдан ҳимоя: Нималарга эътибор бериш керак?

Кариес ва бошқа тиш муаммоларининг олдини олиш учун қуйидаги омилларга эътибор бериш керак:

• Тўғри танланган тиш чўткаси – Табиий толалардан тайёрланган чўткалардан қочиш керак, чунки улар бактерияларнинг кўпайишига сабаб бўлади.
  
• Тўғри тиш пастасидан фойдаланиш – Ҳар бир инсоннинг тиш ҳолатига мос келувчи паста танлаш муҳим.
  
• Оғиз гигиенасига риоя қилиш – Ҳар куни тишларни камида икки марта тозалаш ва мунтазам стоматологга бориб текширилиш зарур.
  

Тиш пастасини танлаш бўйича тавсиялар

1. Реминераллаштирувчи тиш пастаси – Тиш эмалини мустаҳкамлаш учун мос. Калций фосфат ва гидроксиапатит каби минераллар билан бойитилган.

2. Фторли тиш пастаси – Кариесдан ҳимоя қилади ва тиш эмалини мустаҳкамлайди.

3. Аргининли тиш пастаси – Тиш сезгирлигини камайтиради ва эмални муҳофаза қилади.

4. Пробиотикли тиш пастаси – Оғиздаги зарарли бактерияларни камайтириб, фойдали микрофлорани сақлашга ёрдам беради.

5. Энзимли тиш пастаси – Тиш тошларини эритиб, табиий тозаланиш жараёнини рағбатлантиради.

Кариес нафақат оғиз бўшлиғининг саломатлигига, балки умумий ҳолатга ҳам таъсир кўрсатади. Агар сиз озишда қийналаётган бўлсангиз, тишларингизни текшириб кўриш ва зарур ҳолда мутахассисга мурожаат қилиш мақсадга мувофиқ бўлади. Оғиз гигиенасига риоя қилиш нафақат соғлиқ учун, балки умумий ҳаёт сифати учун ҳам муҳим омилдир. “Замин” янгиликларини “Telegram”да кузатиб боринг