57
Хитойлик олимлар инфрақизил нурларни кўринадиган ёруғликка айлантирувчи инновацион контакт линзаларини ишлаб чиқдилар. Бу линзалар ёрдамида одамлар нафақат тунда кўра олишади, балки кўзлари юмулган ҳолда ҳам атрофни идрок эта олишади.
Ушбу линзалар таркибида жойлашган нанозаррачалар инфрақизил нурларни кўринадиган ёруғликка ўзгартиради. Инфрақизил нурлар кўз қовоғидан яхшироқ ўтиши сабабли, фойдаланувчилар кўзлари юмулган ҳолда ҳам атрофни кўра олишади.
Линзалар мутлақо хавфсиз бўлиб, зарядлашни талаб қилмайди ва оддий линзаларга қараганда узоқроқ вақт давомида тақилиши мумкин.
Бу технология нафақат тунда кўриш имкониятини беради, балки рангларни ажрата олмайдиган инсонларга ҳам ёрдам бериши мумкин. Нанозаррачаларни мослаштириш орқали, линзалар турли тўлқин узунликларини кўринадиган рангларга айлантириб, рангларни кўра олмайдиган инсонларга рангларни фарқлаш имкониятини тақдим этади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
