Мадриддаги Комплутенсе университети олимлари овқатланиш вақти вазнни назорат қилишда ҳал қилувчи омил эканини аниқлади. Тадқиқотда ортиқча вазнга эга 1 195 нафар катта ёшли инсон 16 ҳафталик озиш дастуридан ўтди. 12 йилдан сўнг натижалар таҳлил қилинганда, ҳар бир соатга кечиккан овқатланиш индeкс масса тела (ИМТ)ни ўртача 1 кг/м² га ошириши ва вазнни тахминан 2,2% га кўпайтириши маълум бўлди, деб ёзмоқда Peopletalk.
Генетик жиҳатдан семизликка мойил одамларда бу таъсир янада кучли – кечикиб овқатланиш ҳар соатда ИМТни 2,21 кг/м² га оширган. Мутахассислар бу ҳолатни биологик “ички соат” – циркад ритмлар бузилиши билан изоҳлайди. Кечиккан нонушта ва тушлик организмнинг табиий ишлаш тартибини бузиб, ортиқча вазн билан бирга юрак-қон томир хасталиклар хавфини ҳам оширади.
Олимлар эрталаб ва тушда эртароқ овқатланишни одат қилиш ортиқча килограммлардан сақланиш ва соғлом юрак учун оддий, бироқ самарали усул эканини таъкидламоқда.
«Замин»ни Telegram’да ўқинг!
