Оёқ замбуруғлари (микоз) — тери ва тирноқларда қўзғатувчи замбуруғлар туфайли юзага келадиган юқумли касаллик. Кўпинча оёқ бармоқлари оралиғида, кафтларда ёки тирноқларда қичишиш, қизариш, терининг қуруқлашиб қобиқ бўлиши билан намоён бўлади. Асосан, гигиена қоидаларига риоя қилмаслик, нам пойабзал кийиш ва умумий ҳаммом-ҳовузлардан фойдаланиш инфекцияга сабаб бўлади.
Даволашнинг асосий йўли — шифокор тавсия қилган антифунгал (замбуруғга қарши) дориларни қўллашдир. Улар крем, малҳам, спрей ёки ичиладиган таблеткалар кўринишида бўлиши мумкин. Даволаш муддати одатда бир неча ҳафта ёки ой давом этади. Шунингдек, пойабзал ва пайпоқларни дезинфекция қилиш, оёқларни қуруқ тутиш жуда муҳим.
Табиий усуллар ҳам қўлланилиши мумкин: чой дарахти ёғи, олма сиркаси, алоэ вера гелининг антисептик хусусиятлари замбуруғни камайтиришга ёрдам беради. Тузли ёки сода солинган илиқ сувда оёқни чайиш ҳам фойдали. Аммо табиий дорилар фақат қўшимча восита сифатида ишлатилиши керак, чунки асосий даволашни шифокор белгилайди.
«Замин»ни Telegram’да ўқинг!
