Тирноқлар қўл ва оёқларимиздаги ҳимоя вазифасини бажаради ва уларнинг ҳолати умумий соғлиғимиз ҳақида маълумот беради. Тирноқ тез-тез синса ёки мўрт бўлса, бу турли ички ва ташқи сабаблар билан боғлиқ бўлиши мумкин.
Энг кенг тарқалган сабабларидан бири — витамин ва минерал етишмаслиги. Хусусан, кальций, темир, руҳ, А ва Е витаминлари камлиги тирноқ пластинкасига салбий таъсир кўрсатади. Сув етишмаслиги ҳам уларни мўрт қилади.
Ташқи омиллар ҳам муҳим: кимёвий моддалар билан ишлаш, совуқ ёки жуда иссиқ сувда кўп қўл ювиш, нам муҳитда узоқ бўлиш тирноқни заифлаштиради. Арзон ва сифатсиз лаклар ҳам уларга зарар етказади.
Мутахассислар соғлом тирноқ учун тўғри овқатланиш, кўпроқ сув ичиш, ҳимоя қўлқопларидан фойдаланиш ва сифатли парвариш воситаларини тавсия этади.
«Замин»ни Telegram’да ўқинг!
