Чақалоқларда илк тишнинг чиқиши ҳар доим ота-оналар учун муҳим ва қизиқарли давр ҳисобланади. Тишлар пайдо бўлишидан олдин чақалоқда бир қатор белгиларга эътибор бериш мумкин. Масалан, бола инжиқ бўлиб қолади, қўлларини юзига чўзади, бурни ёки қулоғини тортади. Шу билан бирга, сўлак оқиши кўпаяди ва бола ҳамма нарсани оғзига олади. Ухлаш режими бузилади: она сути билан озиқланаётган чақалоқ кўпроқ эмади, сунъий овқатланадиган болалар эса сўрғични оғзидан чиқармайди.
Бу белгилар тишларнинг тез орада чиқишини кўрсатади. Тана ҳарорати бироз кўтарилиши мумкин, одатда 37,5 даражагача, ва жараён вирус ёки бактериал касаллик билан мураккаблашмаса, бир неча кун давом этади. Тишлар чиқаётганда ҳароратнинг кўтарилиши милкдаги яллиғланиш, биологик фаол моддаларнинг таъсири ва инфекция хавфи билан боғлиқ. Агар тана ҳарорати 38 даражадан юқори бўлса ёки 4 кундан ортиқ давом этса, бола мунтазам йиғласа, педиатрга мурожаат қилиш зарур.
Вояга етганларда тиш чиқиши чақалоқлардаги каби тез содир бўлмайди, айниқса ақл тишлари бир ой ва ундан кўпроқ давом этиши мумкин. Оғриқ ва ноқулайлик кучайса, тиш шифокорига мурожаат қилиниши тавсия этилади. Шу тарзда, тишлар тезроқ ва соғлом тарзда чиқади, бола учун жараён қулай кечади.
«Замин»ни Telegram’да ўқинг!
