Тиббий мутахассислар маълум қилишича, етти ёшга тўлмаган болаларга газланган сув мутлақо тавсия этилмайди.
Газли сув таркибида карбонат ангидрид мавжуд бўлиб, айнан шу модда унга пуфакчали тузилиш ва нордон таъм беради. Лекин болалар учун бу модда салбий таъсир кўрсатиши мумкин.
Газли сув бола қорнини шиширади, терида қичишишни келтириб чиқаради, овқат ҳазм қилиш тизимида ноқулайликларга олиб келади.
Шунингдек, бундай ичимликлар қоринни дам қилиши, ошқозон шиллиқ қаватининг кислоталилигини ортишига сабаб бўлади. Бу эса боланинг соғлиғига жиддий таъсир қилади.
Мутахассислар болаларга газсиз, шифобахш минерал сув истеъмол қилишни тавсия қилишмоқда. У баданни тиниқ сув билан таъминлаб, чанқоқни хавфсиз бартараф этади.
Ота-оналар болалар рационида сунъий ичимликлар ўрнига табиий сувни танлашлари зарур. Бу бола соғлиги ва ўсиш жараёни учун фойдали ҳисобланади.
«Замин»ни Telegram’да ўқинг!
