Баъзан оддийгина томоқ оғриғи болаларда кутилмаган руҳий ўзгаришларга сабаб бўлади. Бу ҳолат “PANDAS” деб аталади. У боланинг хулқида бирдан пайдо бўладиган безовталик ёки ўжарликни келтириб чиқариши мумкин.
Масалан, 8 ёшли бир бола томоқ оғриғидан сўнг ўзгариб кетган. У одатий нарсалардан қўрқиб қолган, уйқуси бузилган, овқат емай қўйган ва ҳатто кўрмаган нарсаларни кўраётгандек бўлган.
Мутахассисларнинг айтишича, бунда иммун тизими инфекцияга қарши курашаётиб, хато қилиб боланинг ўз мияси ҳужайраларига ҳам зарар етказади. Натижада мия фаолиятида ўзгаришлар юз беради.
Касалликни аниқлаш қийин, чунки махсус тест йўқ. Кўп ҳолларда у бошқа психологик муаммоларга ўхшаб кетади. Тўғри даволаш учун антибиотиклар ёки иммун тизимини кучайтирувчи дори воситалари қўлланади.
Олимлар бу касалликни чуқурроқ ўрганиш кераклигини таъкидлашмоқда. Чунки PANDAS болаларнинг ҳаётини бутунлай ўзгартириб юбориши мумкин.
«Замин»ни Telegram’да ўқинг!
