Россияда гепатит С вирусини аниқлаш учун дунёдаги илк тезкор тест ишлаб чиқилди. Бу ҳақда Rospotrebnadzor мутахассислари маълум қилди.
Уларнинг сўзларига кўра, янги тестнинг асосий афзаллиги — натижани жуда тез олиш имкониятидир. Илгари вирусни аниқлаш учун лаборатор таҳлил натижасини кутиш бир ярим–икки соат вақт олган бўлса, эндиликда бу жараён атиги 25–30 дақиқа давом этади.
Мутахассислар ушбу инновацион усул тиббиёт амалиётини енгиллаштириши, айниқса гепатит С билан боғлиқ касалликларни эрта аниқлаш ва даволашда муҳим аҳамият касб этишини таъкидламоқда.
Янги тестнинг синовдан ўтган намуналарини Россиянинг етакчи тиббий марказларида амалиётга жорий этиш режалаштирилмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
