Саримсоқпиёз ҳиди — ушбу ўсимлик борасида умумий қараш пайдо бўлмаганининг асосий сабабидир. Ошпазлар саримсоқни яхши кўришади ва уни деярли барча таомга қўшиш тарафдоридирлар. Аммо, жамоатчилик фикри, унинг ҳиди туфайли турлича экани барчага яхши маълум.
Бироқ, айрим кишиларни саримсоқпиёз ҳиди ўзига тортиши ҳам мумкин экан. Тадқиқотлар натижалари кўплаб аёллар енгилгина саримсоқ ҳиди келиб турган эрларини ёқтиришини кўрсатмоқда. Қуйида бунинг сабабига ойдинлик киритамиз.
Шотландиядаги Стирлинг университети олимларининг тадқиқоти бу борада инқилоб ясади. Унга кўра, аёлларнинг аксарияти саримсоқпиёз ҳидини соғлом эр ҳидига қиёслашар экан. Агар саримсоқнинг кучли антибиотик хусусиятлари эътиборга олинадиган бўлса, бу фикр унчалик ҳам нотўғрига ўхшамайди.
42 нафар эркакдан иборат тажриба гуруҳи хом саримсоқ доналарини истеъмол қилиб, қўлтиғи остида салфетка олиб юришган. Уларнинг тер намуналарини эса, 82 аёлга ҳидлатишган ва ёқимли, ўзига тортувчи, эрликни таъкидловчи ва ўткирлиги жиҳатидан баҳолаш сўралган.
Натижалар эса кишини ҳайратга солиши шубҳасиз. Кўп ҳолларда хом саримсоқ еган эркакларнинг тер ҳиди саримсоқ пиёз емаган эркакларга қараганда аёлларга кўпроқ маъқул келган. Эркак қанчалик кўп ушбу пиёздан тановул қилса, унинг ҳиди шунчалик ўткирлашган, теридаги феромонлар аралашмаси юқори кўрсаткичга етган.
Кимёдан маълумки, саримсоқ таркибида олтингугуртли водород ва рух бўлиб, бу моддалар эркак жинсининг кимёвий ўзига хослигини белгиловчи тестостерон моддасини ишлаб чиқаришда муҳим ўрин тутади. Унинг асосини ташкил этади.
Бундай ғаройиб натижаларни аёлларга кўпроқ соғлом эркаклар ёқиши билан изоҳлаш мумкин. Саримсоқпиёз эса сабзавотлар орасидаги энг соғломи ҳисобланади.
Умуман, хулоса ўрнида айтадиган бўлсак, саримсоқ шундоқ ҳам афродизиак ҳисобланади. Унинг таркибида қон қуйилишини кўпайтириш хусусиятига эга аллицин моддаси мавжуд. Бу шуни англатадики, тез орада саримсоқпиёз негизида маҳаллий таъсир кучига эга спрейлар ишлаб чиқарилса, ажаб эмас.
Манба: Соф.уз “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Германияда мактаб ўқувчилари оммавий равишда ислом динини қабул қилмоқда
АҚШнинг Ғазодаги сиёсатидан норози Давлат департаменти расмийси истеъфога чиқди
Зоир Мирзаев “Телефонсиз мактаб”га 300 млн сўм мукофот берди
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради