Тухум оқсил, витамин ва фойдали минералларга бой маҳсулотлардан бири ҳисобланади. Мутахассисларнинг айтишича, уни меъёрида истеъмол қилиш организм учун фойдали бўлиши мумкин.
Тухум таркибида организм учун зарур бўлган D витамини, B гуруҳи витаминлари, темир ва оқсил мавжуд. Айниқса нонушта вақтида тухум истеъмол қилиш узоқ вақт тўқлик ҳиссини сақлашга ёрдам беради.
Бироқ айрим инсонлар тухумни ортиқча истеъмол қилишдан эҳтиёт бўлиши керак. Хусусан, юрак-қон томир касалликлари ёки холестерин билан боғлиқ муаммоси бор инсонларга шифокор билан маслаҳатлашиш тавсия этилади.
Мутахассислар соғлом инсонлар учун кунига 1–2 дона тухум истеъмол қилиш одатда хавф туғдирмаслигини таъкидлашмоқда. Энг муҳими, овқатланишда мувозанатни сақлаш ва маҳсулотларни меъёрида истеъмол қилишдир.
“Zamin”ни Telegram'да ўқинг!
