Tesla Model Y'га янги тезлаштириш функцияси жорий этилди

Tesla компанияси АҚШда Model Y автомобили учун янги тўловли функция — Acceleration Boost'ни тақдим этди, деб Pepelac News хабар берди. Бу функция орқали фойдаланувчилар Tesla иловаси орқали 2 000 доллар (тақрибан 25 миллион сўм) тўлаб, автомобилнинг қувватини 100 от кучига оширишлари ва 0дан 96 км/соатгача тезлашиш вақтини 4,6 сониядан 4,2 сониягача қисқартиришлари мумкин.

Бу функция, айниқса, Performance версияси ҳали чиқмаган ҳолда, энтузиастлар учун мавжуд конфигурациядан максимал фойда олиш имконини беради. Янги Model Y Long Range AWD версияси АҚШда харидорларга етказиб берилмоқда ва Acceleration Boost бу версия учун биринчи тўловли функция ҳисобланади. «Замин»ни Telegram’да ўқинг!