2025 йилнинг биринчи ярим йиллигида Ўзбекистонда 73,1 мингта Cobalt автомобили ишлаб чиқарилди, деб Kursiv.uz хабар берди. Бу ўтган йилнинг шу даврига нисбатан 0,2% кўпдир.
Йўловчи автомобиллар орасида иккинчи ўринни Damas эгаллади. Олти ойда 46 мингта Damas микровэни конвейердан чиқди, ишлаб чиқариш 2024 йилнинг шу даврига нисбатан 18,1% га ошди.
Энг оммабоп учликка Tracker ҳам кирди — ярим йилда 22,8 мингта ушбу модель ишлаб чиқарилди. Бешталикка шунингдек, Onix ва Kia бренди ҳам кирди.
Chery автомобили ишлаб чиқариш ҳажми камайган. Ҳавал брендидаги машиналар ишлаб чиқариш эса 6,5 баробарга ошди ва 3,5 мингтани ташкил этди. Шунингдек, ярим йил якунларига кўра, Ўзбекистонда 7 мингта BYD автомобили йиғилди.
Жорий йилнинг январь–июнь ойларида республикада жами 185,6 мингта енгил автомобиль ишлаб чиқарилди. Ишлаб чиқариш ҳажми ўтган йилнинг шу даврига нисбатан 4,6% га кўпайди. Шу даврда юк машиналари ишлаб чиқариш 29,1% га ўсди ва 2 мингтага яқинни ташкил этди.
Махсус енгил автомобиллар ишлаб чиқариш 82,4% га ўсиб, 23,4 мингтага етди.
«Замин»ни Telegram’да ўқинг!
