Brabus тюнинг-ательеси Mercedes-AMG G 63 асосида яратилган, олти ғилдиракли XLP 800 6x6 Adventure пикапини намойиш этди. Мақсад бир: оғир йўл шароитларига тайёр, лекин люкс даражасидан воз кечмайдиган «ҳайвон»ни яратиш.
Ташқи кўриниш — «броня» ва эстетика
6,23 метрлик улкан кузов пўлат ва углетола (карбон) аралашмасидан тайёрланган. Қора кузов, кенг камонлар, тўртбурчак линияли «гелик» силуэти, томда экспедиция раги ва ёритиш панеллари — барчаси саёҳат ва оффроуд кайфиятини бериб туради. Олти ғилдиракли формула 6x6 ва баландлик визуал таъсирни икки баравар кучайтиради: қоя, чанғалзор ёки қум — кайфият «барибир ўтаман».
Қувват — 800 «от» бахшида
Капот остида 4 литрли V8 мотор (800 ҳ.к.). Рақамлар жуда гапга тоймас:
-
0–100 км/соат — 5,8 сония;
-
максимал тезлик — 210 км/соат.
Бундай оғир вазнда ҳам бу кўрсаткичлар жиддий. 6x6 тортув тизими қопламадан қатъи назар илашишни таъминлайди — асфальтдан то майда тошли карьергача.
Салонда — BRABUS услубидаги люкс
Ички қисм қора чармга ўралган, ромб шаклдаги қўл тикув перфорацияси, қизил инъекциялар ва карбон элементлар билан безатилган. Олдинги панелда икки катта дисплей, орқа ўриндқларда эса медиатаблолар — узоқ сафардa ҳам зерикмаслик учун. «Турбина» шаклидаги қизил шамолтортгичлар, қўл тиргaклар ва эшикнинг ички панелларидаги BRABUS деталлари салонга спортча руҳ қўшади.
Нархи ва мақоми
Германияда Brabus XLP 800 6x6 Adventure нархи 1 161 000 евродан бошланади. Бу пулга сиз нафақат аломатли 6x6 техникага, балки экстрим ва люксни бир кузовга жамлаган коллектор даражасидаги пикапга эга бўласиз.
Қисқача хулоса
XLP 800 6x6 Adventure — бу шунчаки «Гелендваген» эмас, балки қоя, қум ва шағал устида ҳам ўзини хонадондагидек ҳис қилувчи, айни вақтда премиум салон ва ультра-дизайнни таклиф этувчи супер-пикап. Оффроудга муҳаббат, қувватга чанқоқлик ва эксклюзивга интилиш — барчаси бир номда: Brabus XLP 800 6x6.
