My.gov.uz орқали газ баллон ўрнатиш рухсатномаси энди осонлашди

My.gov.uz электрон платформаси орқали автомашинага газ баллон ўрнатиш учун рухсат олиш тартиби анча енгиллаштирилди.

Эндиликда фуқаролардан фақатгина онлайн аризани тўлдириб, уни Йўл ҳаракати хавфсизлиги хизматига (ЙҲХХ) юбориш талаб этилади. Қолган жараёнларни эса ЙҲХХ масъул ходимлари ўзлари бажаради.

Ариза кўриб чиқилгандан сўнг, натижа фойдаланувчининг шахсий кабинети орқали тақдим этилади.

Ушбу хизматнинг нархи 123 600 сўм (0,3 БҲМ) этиб белгиланган. Қайд этилишича, хизмат кўрсатиш муддати 10 иш кунидан ошмайди.

Муттахассислар таъкидлашича, жараённинг рақамлаштирилиши орқали фуқаролар учун вақт тежалади, ортиқча қоғозбозлик ва навбатларда туришнинг олди олинади. Бу эса давлат хизматлари самарадорлигини янада оширишга хизмат қилади.

Шухрат Раззаков

«ЗАМИН.УЗ» муҳаррири