Mercedes-Benz электромобилларни қувватлаш вақтини кескин қисқартириш бўйича янги босқичга ўтди. Компаниянинг мақсади — электромобилни қувватлашни бензин қуйиш жараёнидек тез ва қулай қилиш, деб ёзмоқда ixbt.com сайти.
Шу мақсадда V-Class базасида яратилган тажриба автомобили — мобил лаборатория ишлаб чиқилган. У бешта қувват портига эга бўлиб, юқори кучланишли энергия узатиш, батареяни совитиш, икки томонлама қувватланиш (В2Ҳ ва V2G), автоматик индуктив ҳамда қуёш энергияси асосида қувват олиш технологияларини синовдан ўтказмоқда.
Mercedes-Benz қувват тизимлари бўлими раҳбари Малте Сиверс таъкидлади:
“Навбатдаги кураш — бу қулайлик учун. Мижозлар қувватлаш жараёни бензин қуйиш каби тез ва силлиқ бўлишини исташади. Биз айнан шунга эътибор қаратаяпмиз.”
Автомобиль икки портли CCС тизими билан жиҳозланган бўлиб, у 900 кВт гача қувват бериши мумкин. Максимал 1000 ампер токда у 100 кВт·соатли батареяни атиги 10 дақиқада тўлдиради.
Бундан ташқари, МCС (мегаваттли қувват тизими) ҳам синовдан ўтмоқда — у 1000 кВтдан ортиқ қувват етказиб бера олади.
Яна бир муҳим йўналиш — икки томонлама қувватланиш технологияси бўлиб, у автомобилни уй, тармоқ ёки ташқи қурилмаларни қувватлантириш воситасига айлантиради. Тизим АC ва ДC ток билан ишлайди ва унинг оммавий ишлаб чиқарилиши бошланган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
