Toyota компанияси 3100 доллар турадиган премиум компьютер креслосини тақдим этди
Toyota компанияси "Crown" автомобили ўриндиқлари дизайнини тўлиқ такрорловчи, баҳоси 3 100 доллар бўлган эксклюзив компьютер креслосини намойиш этди. Мазкур кресло электр ёрдамида бошқариладиган суянчиқ, вентиляция ва иситиш тизимлари билан жиҳозланган бўлиб, ҳатто хавфсизлик камари қисқичида гаджетлар учун USB порти мавжуд. "Toyota Boshoku" бўлинмаси томонидан яратилган ушбу ноёб маҳсулот чекланган миқдорда, яъни жами 70 дона ишлаб чиқарилиши режалаштирилган.
"Toyota" компанияси ўзининг машҳур "Cроwн" автомобиллари ўриндиқлари дизайнини тўлиқ такрорловчи янги компьютер креслосини намойиш этди. Мазкур маҳсулотнинг нархи Япония бозорида 495 000 иен ёки тахминан 3 100 долларни ташкил этади. Бу ҳақда Ixbt.com хабар беради.
Кўплаб автомобиль интерерларини ишлаб чиқувчи "Toyota Бошоку" бўлинмаси янги кресло учун футуристик дизайн яратиб ўтирмади. Мутахассислар "Cроwн" моделининг олд ўриндиқларини асос қилиб олиб, ушбу конструкция шундоқ ҳам мукаммал эканини таъкидлашган.
Кресло автомобиль ўриндиғига хос деярли барча функцияларни ўзида сақлаб қолган. Унда суянчиқ қиялигини, баландликни ва бел қисмини қўллаб-қувватлаш тизимини электр ёрдамида бошқариш имконияти мавжуд.
Шунингдек, ўриндиқ вентиляция ва иситиш тизимлари билан ҳам жиҳозланган.
Қурилманинг энг ўзига хос жиҳати — унда хавфсизлик камари қисқичининг сақлаб қолинганидир. Ушбу қисқич ичига гаджетларни қувватлаш учун USB порти ўрнатилган.
Компания кресло аккумуляторининг қуввати қанча вақтга етиши ҳақида маълумот бермади.
Эксклюзив маҳсулот чекланган миқдорда чиқарилади. "Toyota" бренди ушбу қулай компьютер креслоларидан жами 70 дона ишлаб чиқаришни режалаштирган.
Изоҳлар 0
…