Volkswagen компанияси ўз тарихидаги энг қудратли ва экстремал Гольф моделини намойиш этди. Гольф Р 24Ҳ деб номланган ушбу автомобил келгуси йили Нюрбургринг трассасида бўлиб ўтадиган пойгаларда иштирок этиш учун махсус тайёрланган трековий прототип ҳисобланади. Бу ҳақда Ixbt.com хабар беради.
Мазкур лойиҳа Мах Крусе Раcинг жамоаси билан ҳамкорликда амалга оширилмоқда ва у 2002-йилда Гольф Р32 билан бошланган Р туркумининг 25 йиллигига бағишланган. Янги модел оддий Гольф Р версиясидан кескин фарқ қилади: у агрессив аэродинамик кузов тўплами, йирик олд сплайтер, кенгайтирилган ғилдирак аркалари ва улкан орқа қанот (антикирло) билан жиҳозланган.
Автомобилнинг техник хусусиятлари унинг пойга учун мўлжалланганини тасдиқлайди. Капотдаги ҳаво ўтказгичлар ва ён томондаги эгзоз тизими кучайтирилган совутиш тизимига эга ички ёнув двигатели мавжудлигидан далолат беради. Орқа ойнанинг ўрнини эса махсус ёпиқ панел эгаллаган.
Ҳозирча Volkswagen ушбу моделни шоу-кар сифатида тақдим этган бўлса-да, «Шимолий ҳалқа» (Нüрбургринг Нордсчлеифе) пойгалари учун тўлақонли пойга автомобилини яратиш устида ишлар қизғин давом этмоқда. Компания вакиллари буни ҳозирги кундаги энг таъсирли Гольф Р деб атамоқда.
Гарчи ҳозирча ушбу моделнинг серияли йўл версияси ҳақида расмий маълумот берилмаган бўлса-да, келажакда унинг фуқаролик учун мўлжалланган трековий модификацияси пайдо бўлиши истисно этилмайди.
“Zamin”ни Telegram'да ўқинг!
