Jaguar компанияси ўзининг янги давр бошловчи электр супер-GT автомобили Тйпе 01 деб номланишини тасдиқлади. 1000 от кучидан ортиқ қувватга эга ушбу спорт седани бренднинг соф электр ҳашаматли автомобиллар ишлаб чиқарувчисига айланиш йўлидаги илк қадамидир. Аввалроқ Тйпе 00 ёки Х900 код номи билан танилган модел эндиликда бозорга Тйпе 01 номи остида чиқади. Бу ҳақда Autocar.co.ук хабар беради.
Компания вакилларининг таъкидлашича, номдаги "Тйпе" префикси 1951-йилда Ле Манс пойгаларида ғолиб чиққан К-Тйпе, шунингдек, Д-Тйпе, Э-Тйпе ва Ф-Тйпе каби афсонавий моделларнинг давомийлигини англатади. "0" рақами нол эмиссияли двигателни, "1" эса Jaguar'нинг янги даврдаги биринчи автомобили эканлигини билдиради.
Тйпе 01 прототиплари Монакодаги Формула Э пойгалари доирасида омма олдида намойиш этилади. Автомобилнинг расмий тақдимоти яқин ойларда бўлиб ўтиши кутилмоқда, бозорга эса 2027-йилнинг биринчи ярмида чиқарилади. Бу Jaguar'нинг Ф-Пасе кроссовери ишлаб чиқаришдан тўхтатилганидан кейинги танаффусни якунлайди.
Янги моделнинг нархи тахминан 120 000 фунт стерлингдан бошланиб, юқори комплектациялар учун 150 000 фунт стерлингдан ошиши мумкин. Jaguar ушбу нарх сиёсати билан BMW ва Mercedes-Benz каби премиум брендлар ҳамда Bentley ва Aston Martin каби ҳашаматли автомобиллар ўртасидаги сегментни эгаллашни мақсад қилган.
Келгусида Jaguar ўзининг янги ЖEА платформаси асосида Тйпе 02 ва Тйпе 03 номли йирик лимузин ҳамда кроссовер моделларини ҳам тақдим этиши кутилмоқда.
“Zamin”ни Telegram'да ўқинг!
