ЖЛР компаниясининг янги бош директори ПБ Балажи маълум қилишича, британиялик ишлаб чиқарувчи Chery компаниясининг Фреэландер бренди остидаги автомобилларни Буюк Британия бозорига олиб киришига тўсқинлик қилмайди. Хитойда ишлаб чиқариладиган ушбу кроссоверлар ЖЛРнинг мавжуд маҳсулотлари билан рақобатлашмаслиги кутилмоқда. Бу ҳақда Autocar.co.uk хабар беради.
Фреэландер 8 модели май ойи бошида тақдим этилган бўлиб, у глобал миқёсда сотиладиган янги автомобиллар туркумининг биринчиси ҳисобланади. Chery келгуси беш йил давомида ҳар олти ойда янги моделни тақдим этишни режалаштирмоқда. Ушбу лойиҳа икки компания ўртасидаги узоқ йиллик ҳамкорлик доирасида амалга оширилмоқда.
ЖЛР Фреэландер номидан фойдаланиш ҳуқуқини Chery'га лицензия асосида берган ва дизайн ишларида иштирок этган, бироқ автомобилларни муҳандислик жиҳатидан ишлаб чиқиш ва йиғиш тўлиқ Хитой компанияси зиммасида. Дастлабки савдолар Хитойда бошланади, кейинчалик эса экспорт масалалари ҳал этилади.
ПБ Балажи Фреэландер ва ЖЛР маҳсулотлари ўртасидаги нарх сиёсати ва позициялаш турлича эканлигини таъкидлади. Унинг сўзларига кўра, ушбу автомобиллар Дисковерй ва Дефендер моделлари билан рақобатлашмайди, аксинча, бозор имкониятларини кенгайтиришга хизмат қилади.
“Zamin”ни Telegram'да ўқинг!
