Дастурий хато сабабли юз минглаб Hyundai Туксон ўз-ўзидан тормозланмоқда

Hyundai компанияси АҚШда 421 мингга яқин автомобилни дастурий таъминотдаги хатолик туфайли чақиртириб олишини эълон қилди. Мазкур носозлик транспорт воситасининг кутилмаганда, ҳайдовчи аралашувисиз тормозланишига олиб келиши мумкин. Бу ҳақда Ixbt.com хабар беради.

Муаммо фронтал тўқнашувларнинг олдини олиш тизимидаги (ФКА) хатолик билан боғлиқ. Олд камералар дастурий таъминотидаги носозлик туфайли тизим нотўғри сигналларни қабул қилиши ва йўлда ҳеч қандай тўсиқ бўлмаса-да, тормоз тизимини кескин ишга тушириши аниқланган. Бу ҳолат йўлларда авария хавфини сезиларли даражада оширади.

Ушбу сервис кампанияси Hyundai Санта Круз пикапи, шунингдек, Hyundai Туксон, Hyundai Туксон Ҳйбрид ва Hyundai Туксон Плуг-ин Ҳйбрид кроссоверларини қамраб олади. Носозлик асосан 2022–2024-йилларда ишлаб чиқарилган моделларда кузатилган.

Hyundai дилерлари аниқланган муаммони бартараф этиш учун автомобилларнинг дастурий таъминотини бепул янгилаб беради. Автомобил эгалари расмий сервис марказларига мурожаат қилишлари сўралмоқда.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг