Германиядаги Lada автомобилларининг расмий импортёри — Lada Deutschланд ГмбҲ компанияси ўз фаолиятини тўхтатди ва банкротлик жараёнини бошлади. Ярим асрдан ортиқ вақт давомида немис бозорида фаолият юритган компания янги инвестор топа олмагани сабабли бизнесини якунлашга мажбур бўлди. Бу ҳақда Ixbt.com хабар беради.
Компаниянинг инқирози бир неча йил аввал бошланган эди. 2019-йилда Европа Иттифоқининг экологик талаблари қатъийлашгани сабабли Lada моделларини Европага етказиб бериш расман тўхтатилган эди. Шундан сўнг импортёр паст нарх ва ўзига хос талабга таяниб, Нива йўлтанламасларини (Lada 4×4 ва Таига номлари остида) муқобил йўллар билан олиб кириш орқали бозорда қолишга уринди.
Бироқ 2022-йилдан кейин вазият кескин ёмонлашди: санкциялар ва логистика занжирларининг узилиши Россиядан автомобил ва эҳтиёт қисмлар етказиб беришни бутунлай тўхтатиб қўйди. Бу эса бизнеснинг барқарор моделини йўққа чиқарди. Компаниянинг JAC Моторс ва Даюн каби Хитой брендларига йўналишни ўзгартиришга бўлган уринишлари ҳам кутилган натижани бермади.
Статистикага кўра, 2024-2025-йилларда Германияда Lada сотуви йилига бир неча ўнтагача тушиб кетди, ҳолбуки аввалги даврларда бу кўрсаткич мингдан ортиқни ташкил этарди. Қизиқарли жиҳати шундаки, айнан ушбу компания 1990-йилларда Kia брендининг Германия бозорига илк бор кириб келишига сабабчи бўлган эди.
“Zamin”ни Telegram'да ўқинг!
