Reddit форумининг Десмонтеи никли фойдаланувчиси ўзининг 2001-йилда ишлаб чиқарилган Audi А4 (Б5) седанини ноодатий тарзда модернизация қилди. У автомобилнинг витес алмаштириш дастасига ТикВатч Pro 3 ақлли соатини интеграция қилиб, интерерга технологик янгилик олиб кирди. Бу ҳақда Ixbt.com хабар беради.
Ушбу лойиҳани амалга ошириш учун муаллиф 3D-принтер ёрдамида махсус корпус чоп этди. Соатнинг оригинал корпуси олиб ташланиб, унинг ОЛEД-экрани ва она платаси янги даста ичига жойлаштирилди. Қурилма қувватни тўғридан-тўғри автомобилнинг 12 вольтли борт тармоғидан олади.
Дастурий таъминот қисми учун ВеарОС операцион тизимига мосланган махсус илова ишлаб чиқилди. Жорий узатма (витес) ҳолати соат ичидаги акселерометр ва гироскоп датчиклари ёрдамида, даста қиялигига қараб аниқланади. Йўлдаги баланд-пастликлар хатолик бермаслиги учун тизимга динамик калибрлаш алгоритми жорий этилган.
Ақлли даста нафақат витесни кўрсатади, балки Spotify иловаси учун медиа-контроллер вазифасини ҳам бажаради. Ҳайдовчи экрандаги свайплар орқали мусиқаларни алмаштириши ёки тўхтатиши мумкин. Бу эса ҳайдаш вақтида чалғимасдан аудио тизимни бошқариш имконини беради.
Лойиҳа муаллифи келажакда корпусни янада чидамли АБС ёки ПEТГ пластикларидан тайёрлашни ва ОБД2 сканери орқали двигател айланишлар сони ҳамда ҳарорат каби телеметрия маълумотларини экранга чиқаришни режалаштирмоқда.
“Zamin”ни Telegram'да ўқинг!
