16:52 / 05 августа 2017
5 351

GM рул бошқарувидаги муаммолар сабаб 800 минг автомобилини қайтариб олади

GM рул бошқарувидаги муаммолар сабаб 800 минг автомобилини қайтариб олади
Американинг йирик автомобилсозлик концерни General Motors (GM) бутун дунё бўйлаб 800 минг атрофидаги Chevrolet Silverado 1500 ва GMC Sierra 1500 автомобилларини қайтариб олмоқда. Бунга рул бошқарувидаги нуқсонлар сабаб қилиб кўрсатилмоқда, деб хабар қилмоқда Kun.uz нашри.

Компаниянинг маълум қилишича, ушбу автомобиллар рулидаги электркучайтиргич кўп ҳолларда паст тезликда ҳаракатланаётганда вақтинча ишдан чиқади. Агар шундай ҳолат рўй берса, ҳайдовчи автомобиль назоратини йўқотиши мумкин.

Бу чақирув 2014 йилда ишлаб чиқилган моделларга тегишли. Машиналарнинг катта қисми АҚШда сотилган. Аммо, 100 мингга яқин автомобиль бошқа бозорларга етказиб берилган.

GM дунёнинг 30 давлатида енгил ва юк машиналари ишлаб чиқаради. Концерн бош қароргоҳи Американинг Мичиган штати Детройт шаҳрида жойлашган. Унда 225 минг киши ишлайди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)