18:30 / 23.04.2019
3 452

Туркиялик меҳмонни Ўзбекистондаги масжидда нима лол қолдирди? (видео)

Туркиялик меҳмонни Ўзбекистондаги масжидда нима лол қолдирди? (видео)
19 апрель куни Facebook тармоғида анқаралик Халил Йилдирим Тошкентдаги Усмон бин Мазъун масжидидан пост жойлаган. Пост мингга яқин фойдаланувчи томонидан бўлишилган.

Пост муаллифи масжиддаги намозхонларни тасвирга оларкан, шундай дейди: «Айни дамда Ўзбекистондамиз. Биз жума намозининг фарзини ўқиб чиқаётган пайтимизда ўзбек дўстларимиз суннат намозини ва дуоларини ўқияпти. Инсонларнинг динга бўлган эътибор ва ҳурматини шу ерда кўрдик. Биздаги (Туркиядаги) улкан жомеъ масжидлар жума намоз пайтида базўр тўлади, боғлар бўш қолади.

Özbek kardeşler İslama susamış, bu ne aşktır ya Rabbi... ??

Опубликовано Halil Yıldırım Пятница, 19 апреля 2019 г.

Шунча йил давомида диндан узоқда тутилган ўзбек дўстларимизнинг боши бугун сажда учун ерга теккан. Ёмғир мавсумида инсонлар ҳовли-боғчада намоз ўқишяпти.

Бизда эса фарз намозини ўқиб бўлгач, жамоатнинг 90 фоизи ташқарига чиқиб кетади. Гувоҳи бўлинг, жамоатнинг 1/100 бири ташқарига чиқиб кетяпти, холос.

Аллоҳ бизга исломий шуур берсин. Йўқчиликларни сездирмасин, борининг қадрига етишимиз лозим. Ўзбек қардошларимизнинг исломга қандай чанқоқликда эканлигининг шоҳид бўляпмиз. Сизларнинг ҳам бу ҳолатни кўришингиз учун видеога туширдим.

Ҳаммангизни Аллоҳга топширдим (омонат билдим).

Жума муборак бўлсин!».

Маълумот учун, Халил Йилдирим зиёрат туризми билан шуғулланувчи мутахассис бўлиб, Ўзбекистон, Эрон, Испания ва бошқа мусулмон маданияти қадамжоларига эга мамлакатларда сайёҳлик хизмати билан шуғулланади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Туркиялик меҳмонни Ўзбекистондаги масжидда нима лол қолдирди? (видео)