Хабарингиз бор 2020 йил 29 апрель куни Жиззах вилояти Зомин тумани «Ширин» қишлоқ фуқаролар йиғинида истиқомат қилувчи 2006 йилда туғилган Т.Г. ва 2011 йилда туғилган Т.Ф. сойдан сел келиши натижасида оқиб кетиб, оқибатда уларнинг иккаласи ҳам ҳалок бўлгани ҳақида маълумот берилган эди.
Маълум бўлишича дўконга харид учун борган опа-ука уйга қайтгунча кучли ёмғир ёға бошлаган. 2006 йилда туғилган Т.Г. ва 2011 йилда туғилган Т.Ф. ёмғир тинишини кутиб туришган, ёмғир тингач эса уйга қайтиш пайтида сел келган ҳудудни кесиб ўтаётганларида тўсатдан келиб қолган сел уларни оқизиб кетган.
Ҳар иккиси ҳам ҳаётдан кўз юмди. Шеър улар хотирасига атаб ёзилди.
Қаерга шошилгандинг...
Гумбирлаган осмонми ёки ернинг наъраси
Отилиб келган офат тақдирнинг ҳамсояси.
Камчилигинг не эди, кўзлар оқу қораси,
Қаерга шошилгандинг Сел, ёмғирнинг боласи?!
Жавонингни кўрдингми, нималаринг кам экан?!
Онангдан сўрадингми, отанг бердими рухсат.
Оҳ уради, бағрини тилиб кетди ноласи,
Қаерга шошилгандинг Сел, ёмғирнинг боласи?!
Бир томчи сувни кўрса хуркиб кетади онанг,
Тўлқин-тўлқин сувларга қармоқ ташламас отанг.
Ёмғирларга айланди тўккан кўзёш жоласи,
Қаерга шошилгандинг Сел, ёмғирнинг боласи?!
Шу юртнинг кўксига ур, кўкси тарам-тарамдир,
Бир сулув қиз бўлардинг, бир паҳлавон йигитча.
Орзулари боғланди тўй эмас бу азаси,
Қаерга шошилгандинг Сел, ёмғирнинг боласи?!
Тўлғоқ-тўлғоқ йиғлайди, йиғлайди шу заминим,
Биз ҳам кўзёшда қолдик шаҳид кетган гул иним.
Зомин тоғлар титрайди, худди шердек наъраси,
Қаерга шошилгандинг Сел, ёмғирнинг боласи?!
Муаллиф: Наргиза Камалова
"Олтин қалам" Миллий мукофоти соҳибаси
“Замин” янгиликларини “Twitter”да кузатиб боринг
"Олтин қалам" Миллий мукофоти соҳибаси
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Президент АҚШ, Хитой ва Европанинг етакчи компаниялари раҳбарларини қабул қилди
Белгия Исроилга нисбатан савдо санкцияларини қўллаш ташаббусини илгари сурди
Экология инспекторларига ҳужум қилган браконерлар қамоққа олинди
Тошкентда МДҲ кўнгиллилари форуми бошланди
Тимур Кападзе Японияга қарши кечган финалдан сўнг нималар деди?
“Муҳташам юз йил” сериали юлдузларининг умр йўлдошлари (фото)
Украинада ОИВ ва саратон касаллигига чалинган беморлар армияга чақирилади
Ўзбекистонда қайси давлатларнинг капитали иштирокидаги корхоналар сони кўп?
